%da%85%d9%be%d9%87

غزل / سيدجمال الدين فاطمي

12.06.2011 19:22

زه درته وژاړم له چا نه سپوږمۍ

له خپل قسمت کۀ لۀ اشنا نه  سپوږمۍ

داسې څوک نشته چې فریاد مې واوري

ځکه خو ډېر يمه پرېشانه سپوږمۍ

ته راته نۀ وايې د يار حالونه

ډېره ګيله مې کيږي تا نه سپوږمۍ

رقيب بې شرمه ، شرم څه پېژني!

زۀ پټه خولۀ یم لۀ حيا نه سپوږمۍ

د دوست  جامه کې دښمن ښۀ پېژنم

دومره خو هم نۀ يم نادانه سپوږمۍ


ستاسو تبصره


لطفاً لاندې افغانستان په انګليسي تورو وليکئ.
ښۀ راغلاست! سيدجمال الدين فاطمي (څپې) ته ستاسو د راتګ هر کلی کوي .څپه په خپلو ليکنو، وړانديزونو، نيوکو او همکاريو لا ښکلې کړئ . مننه . همدارنګه يادونه کوو چې د ټولو خپرېدونکو موادو حقوق لۀ (څپې) سره خوندي دي، د متن کاپي کول د سرچينې په يادولو سره جواز لري.