%da%85%d9%be%d9%87

غوره غزل / صاحب شاه صابر

06.01.2012 16:56

زما وجود شوې ، زما ساه نۀ شوې

زما اشنا!  زما اشنا نۀ شوې

سم د ماښامه دې وعده کړې وه

خو تر سهاره راپيدا نۀ شوې

ما تۀ خپل ځان ، او ځان مې تۀ ګڼلې

تۀ د خپل ځان وې ، تۀ د چا نۀ شوې

ښه ده چې دومره خو دې وپېژندم

مخې له راغلې وارخطا نۀ شوې

زۀ وسوسو پۀ مخه واخستمه

تا شونډې پرانيستې ، ګويا نۀ شوې

زۀ دې الفت ته ملامته کړمه

د يار بلا!  زما بلا نۀ شوې

سترګې يې بيا هم پښتنې وې ګنې

بې وفا شوې خو بې حيا نۀ شوې

مينې!  منمه  چې د هر ازمېښت نه

زۀ روستو نۀ شوم تۀ پۀ شا نۀ شوې

زړۀ! لۀ بلا خيرو مې ومينځلې

خو د وهمونو نه صفا نۀ شوې

تا د صابر لېونتوب څۀ ولېدو

تۀ د صابر د زړۀ سودا نۀ شوې

څو نور شعرونه :

غوره غزل / رحمت الله درد

غوره بيتونه - درېم

غوره بيتونه - دويم

غوره بيتونه - لومړی

رحمت ديوان 07.01.2012 06:20

صاحب شاه صابر (مرحوم) صېب خو د زړونو ترجمان وو<br />خداى پروردګار دې ورله جنتونه په نصيب کړي<br />امين

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.
ښۀ راغلاست! سيدجمال الدين فاطمي (څپې) ته ستاسو د راتګ هر کلی کوي .څپه په خپلو ليکنو، وړانديزونو، نيوکو او همکاريو لا ښکلې کړئ . مننه . همدارنګه يادونه کوو چې د ټولو خپرېدونکو موادو حقوق لۀ (څپې) سره خوندي دي، د متن کاپي کول د سرچينې په يادولو سره جواز لري.