%da%85%d9%be%d9%87

خپلې پېغلې لور ته د ام ایاس د مور نصیحتونه :

13.01.2012 16:05

 د ام ایاس مور خپلې پېغلې لور (ام ایاس) ته د مېړۀ (عوف بن محلم الشیباني) کور ته تر ورتلو مخکې نصیحتونه کوي .

اې لورکۍ! تۀ لۀ هغۀ کور څخه ورجلا شوې چېرته چې تا خاپوړې کړې وې، لۀ هغۀ ژوند څخه ورجلا شوې چېرته چې تۀ لویه شوې وې ، داسې سړي ته ورغلې چې نه یې پېژنې او داسې ملګري ته ورغلې چې ورسره بلده نه یې، نو تۀ  د دۀ لپاره وینځه شه ترڅو دی ستا لۀ پاره غلام شي .

 لس خویونه (عادتونه) خپل کړه تاته به ګټه ورسوي :

۱: راضي اوسه او قناعت کوه .

۲:  ښۀ اورېدل او اطاعت کوه .

 ۳ : د سترګو خیال یې ساته، ترڅو همېشه تا په ښۀ صورت کې وویني او په بد منظر یې سترګې ونۀ لګي .

 ۴ : د پوزې (شامې) خیال یې ساته، ترڅو همېشه له تانه ښه بوی احساس کړي .

 ۵ : د خوب خیال یې ساته، ځکه بې خوبي غوسه زیاتوي .

۶ : د ډوډۍ خیال یې ساته، ځکه ډېره لوږه انسان بې واکه کوي .

٧ : د مال ساتنه یې کوه، مال یې په اندازه او انصاف سره مصرفوه .

 ٨ : د عیال پالنه یې د ښۀ تدبیر له مخې تر سره کوه .

 ٩: د دۀ ویلو ته هېڅ کار مه پرېږده، ځکه که د امر خلاف یې کوې نو زړۀ یې زخمي کيږي .

١٠: راز یې مه افشاء کوه، ځکه که راز یې افشاء کړې نو اعتماد به یې له لاسه ورکړې . چې کله دې مېړه غمجن ؤ د خوشالۍ اظهار مه کوه او کله چې خوشحاله ؤ نو غم مه ښکاره کوه .

که دا خويونه دې خپل کړل نو د یوۀ خوشاله ژوند مېرمن به يې، د مور نصیحتونه یې ومنل او د ښۀ  ژوند درلودونکې مېرمن وه او د لوی شاعر امری القیس نیکۀ (حرث بن عمرو) یې لۀ لمنې پیدا شو.

 (المستطرف ۲ ټوک ۴۷۹ مخ)

other_posts

پۀ اسلام کې د اخلاقو او ادابو مقام

كارتون چې د يو يهودي او فلسطيني ماشوم ترمنځ لفظي شخړه ښيي

د ازموينې پۀ ورځو کې بايد څۀ وخورو؟

آيا داسې شی شته چې په اوسنۍ ټکنالوجۍ کې کم وي ؟

په ننګرهار کې جادويي ونه او د خلکو عقيدې


ستاسو تبصره


لطفاً لاندې افغانستان په انګليسي تورو وليکئ.
ښۀ راغلاست! سيدجمال الدين فاطمي (څپې) ته ستاسو د راتګ هر کلی کوي .څپه په خپلو ليکنو، وړانديزونو، نيوکو او همکاريو لا ښکلې کړئ . مننه . همدارنګه يادونه کوو چې د ټولو خپرېدونکو موادو حقوق لۀ (څپې) سره خوندي دي، د متن کاپي کول د سرچينې په يادولو سره جواز لري.