%da%85%d9%be%d9%87

غوره بيتونه – څلورم

03.02.2012 22:44

زما د قتل پۀ الزام کې چرته ګېره نۀ شې!

د ﻻس نکريزو دې د وينو پۀ شان رنګ کړی دی

  دا د بارودو اور وهلې زمونږ خوارې ځمکې

غله به نۀ کوي ، خو تخم يې د بنګ کړی دی

                                                 اسرار اتل 

 ډېر څه مې نشته پـه نصیب کې شکایت نۀ کوم

ارمان!  چې یو پکې له تانه جـدایي هم نۀ وای

ښه شوه چې مینه یې دارو کړه د بېمار ژونـدانۀ

ددې مرض کېدای شي بله دوایي هم نۀ وای

                                                  ممتاز اورکزی

دا دې زنه، اننګي دي او کۀ شونډې!

کۀ د خولې نه دې ګلان ښکاري چاپېره

دا زما د ولس مټې دي، خو مړې دي

دا چې ګل غوندې ځوانان ښکاري چاپېره

                                                 اباسين يوسفزی

 نوره نړۍ د ماشومانو زړونه لاس کې ساتي

زمونږ ماشومان خو يا اوبۀ او يا سابۀ خرڅوي

                                                  بختيار ساحل

 سود مې پۀ بل نۀ شي خپله يو بڅری خاوره هم

زۀ ګوره پۀ دې هکله قارون ، يمه پښتون يمه

                                                  رحمت شاه سايل

 زهر هله زهر شي چې يار يې پۀ يار وڅښوي

زهر د دښمن د لاسه څۀ دي خو بس مړينه ده

                                                  سيف الرحمن سليم


څو نور شعرونه:

غوره بيتونه - لومړی

غوره بيتونه - دويم

غوره بيتونه - درېم

غوره غزل / صاحب شاه صابر

غوره غزل / اسرار اتل

 


ستاسو تبصره


لطفاً لاندې افغانستان په انګليسي تورو وليکئ.
ښۀ راغلاست! سيدجمال الدين فاطمي (څپې) ته ستاسو د راتګ هر کلی کوي .څپه په خپلو ليکنو، وړانديزونو، نيوکو او همکاريو لا ښکلې کړئ . مننه . همدارنګه يادونه کوو چې د ټولو خپرېدونکو موادو حقوق لۀ (څپې) سره خوندي دي، د متن کاپي کول د سرچينې په يادولو سره جواز لري.