%da%85%d9%be%d9%87

انګلستان د درېم ځل لۀ پاره، پاکستان پۀ ګونډو کړ!

18.02.2012 19:29

کتنې:

کتنې:

د انګلستان او پاکستان ترمنځ د کرکټ دغه درېمه نړۍ واله يوه ورځنۍ سيالي  پۀ متحده عربي اماراتو کې نن د شنبې پۀ ورځ د٢٠١٢ م کال دفبروري د مياشتې پۀ ١٨مه نېټه پيل شوه.

پۀ پيل کې پچه پاکستان وګټله او توپ وهنه يې غوره کړه چې پۀ ٥٠ اورونو کې يې د ټولو لوبغاړو پۀ سوځېدوسره ٢٢٢ منډې جوړې کړې او سيالې لوبډلې ته يې د ٢٢٣ منډو هدف وټاکۀ .

پاکستان دريمې ماتې سره مخ شو!

انګلستان پۀ خپله پاڼۍ کې ډېره پۀ زړۀ پورې او بريدکوونکې توپ وهنه وکړه، د انګلستان اوپنرانو (کوک)او (پيټرسن) ١٧٠ منډې ملګرتيا وکړه، (کوک) پۀ تېرو دوه سيالو کې سر پۀ سر سل، سل منډې جوړې کړې وې  خو؛ دا ځل ورسره بخت ياري ونۀ کړه او د ٢٩ آور پۀ دويم بال باندې د سيداجمل لۀ خوا پۀ اتيا منډو وسوځېدۀ .

کۀ څۀ هم (کوک) د سليزې ارمان لۀ ځان سره يووړ، خو د دۀ پر ځای بيا (پيټرسن) وکولای شوچې د خپلې لوبډلې پۀ ګټه سليزه ووهي .

پاکستان لۀ درېمې ماتې سره مخ شو!

 پيټرسن پۀ دې وتوانېدۀ چې نژدې درې کاله وروسته  پۀ نړۍ والو يو ورځنيو سياليو کې سليزه ووهي . دا د پيټرسن لۀ درې کاله انتظار وروسته پۀ يو ورځنيو سياليو کې لومړۍ سليزه وه، نوموړي پۀ ٢٠٠٨ ميلادي کال کې د هندوستان خلاف پۀ نړۍ واله يو ورځنۍ سيالۍ کې سليزه وهلې وه او پۀ ١١١ منډو ناسوځېدلی پاتې شوی ؤ چې پۀ ننۍ سيالی کې هم کټ مټ هماغسې وشول او پۀ ١١١ منډو ناسوځېدلی پاتې شو.

انګلستان پۀ اسانۍ سره ورکړل شوی هدف پۀ ٣٧.٢ آورونو کې د يو لوبغاړي پۀ سوځېدو سره پوره کړ او دغه سيالي د انګلستان پۀ بري پای ته ورسېده.

څو نورې ليکنې:

انګلستان بيا پاکستان ته ماتې ورکړه!

افغان کرکټ لوبډلې سيالي وبايلله، خو ټول زړونه يې وګټل!

څنګه کولی شو د بې کاره برېښناليکونو مخنيوی وکړو!

دوه کاله پۀ تشناب کې ژوند!

د نړۍ ځيرک سړی !

 

جواد 19.02.2012 08:27

السلام علیکم و رحمة الله وبرکاته<br />د انګلستان تجربه لرونکي او د کرکټ په میدان کښې په کلونو کلونو پاتې شوي ټیم زمونږ د ملي ټیم اتلانو نه پوره پوره عبرت او درس واخیست کله چې پاکستان له انګلینډ نه دریواړه ټیسټ میچونه وګټل مهم رول په کښې د بالرانو خصوصا د سپین بالرانو او بیا خصوصا د سعید اجمل وو خو د افغانستان ملي ټیم مخکې له دې چې له پاکستان سره یوه ورځنی سیالي وکړي اعلان وکړ چې مونږ د پاکستان بالرانو ته پوره آمادګي نیولي یعنې د هغوي د لوبولو تاکتیک مو زده ده چې همغسې وشو او سعید اجمل یو لوبغاړی هم ونه سوزاوه زما په نظر زمونږ د ټیم کمزوري په دغه ميچ کښې د بیټسمینانو تلیواري او بې له ټایمینګ نه لوبه کول وو کنه نو په اول کښې ېې خو پاکستان دومره وارخطا کړي وو چې د شکست اندیښنې ېې په مخ ښکاریدې ځکه چې د افغانستان اوپنیګ او ورپسې نور کسان دومره تیز وو تا به ویل چې د اسټریلیا اوپنران دي د نر بچیانو سم لکه ټي ټیونټی چې لوبوي<br />خو یوازینې خوبي چې افغانان ېې نه صرف په کرکټ کښې بلکه په هر میدان کښې ېې اتلان ګرځولي هغه د افغانانو جوش او جذبه ده چې بل ټیم د غه خصوصیات نه لري که لري یی هم خوډیر کم انګلینډ د افغانستان له دې تنکي ټیم نه دا زده کړه چې د کرکټ میدان کښ هم د تجربې سره سره یوه جوش او یوې جذبې ته ضرورت شته چې هماغسې وشو انګلیډ په پوره جدبې سره میدان ته راغلل چې کپتان ېې تر ټولو ډیر جوش نیولي وو او پوره حوصلې سره ېې ښه لوبه وکړه او پاکستان نه ېې د تیرو دریو ناکامیو انتقام واخست<br />په اخر کښې افغاني ټیم ته یوه توصیه کول غواړم هغه دا چې له جوش او جدبې سره لږ حوصله او میدان کښ د لا ډیر پاتې کیدلو تاکتیک زده کړی نو لرې نه ده چې همدغه د انګلستان په شمول به ډیر مغرور ستاسو له دغه تنکیو تجربو نه شرمونکي شکستونه وخوري<br />په درنښت <br />جواد ناصري

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.
ښۀ راغلاست! سيدجمال الدين فاطمي (څپې) ته ستاسو د راتګ هر کلی کوي .څپه په خپلو ليکنو، وړانديزونو، نيوکو او همکاريو لا ښکلې کړئ . مننه . همدارنګه يادونه کوو چې د ټولو خپرېدونکو موادو حقوق لۀ (څپې) سره خوندي دي، د متن کاپي کول د سرچينې په يادولو سره جواز لري.