%da%85%d9%be%d9%87

ليونتوب / الحاج الهام الدين قيام

08.05.2012 00:29

کتنی:

کتنی:

 هسی ځان غلطول دي،که کړي زيارڅوک

اغيارهيڅوخت اړوی نه شي ،په يارڅوک

 

هسې ځانته هوښيار وائي،هوښيارنه دي

 چې غوليږي،داغيارو په ګفتار څوک

 

يارپه دواړولاسو،خپل رقيب ته سپاري

چې رقيب ورليږي يارته ،خپل ريبارڅوک

 

بل څه نه دي پخپل لاس،دځان وژل دي

چې دښمن ته ورکوي، دځان اختيار څوک

 

سرترپايه ليونتوب دی،بي عقلي ده

له بوکاڼې که حاصل غواړي،انارڅوک  

 

خپل منزل ته رسيدئ نه شي قيامه

چې باورکړي ،دپرديوپه شعارڅوک

 

الحاج الهام الدين قيام  - والدورف/جرمنی

 


ستاسو تبصره


لطفاً لاندې افغانستان په انګليسي تورو وليکئ.
ښۀ راغلاست! سيدجمال الدين فاطمي (څپې) ته ستاسو د راتګ هر کلی کوي .څپه په خپلو ليکنو، وړانديزونو، نيوکو او همکاريو لا ښکلې کړئ . مننه . همدارنګه يادونه کوو چې د ټولو خپرېدونکو موادو حقوق لۀ (څپې) سره خوندي دي، د متن کاپي کول د سرچينې په يادولو سره جواز لري.