%da%85%d9%be%d9%87

کره ټپې - دریم

24.11.2012 18:51

کتنې:


کمیس یې تور لمن یې لنډه

نن مې پرې شنډه غوا منلې را به شینه

***

کمیس یې تور لمن یې لنډه

مور یې شه کونډه په ما ډېر ظلم کوینه

***

ستا له لنډۍ ونې قربان شم

لکه سوسۍ چې په کمره ولاړه وينه

***

مور یې چینه لور یې ډنډوکی

له چینې تېر شوم په ډنډوکي پرېوتمه

***

د ډوډۍ وږي به ماړه کړم

د دیدن وږي دې ماښام ته وګورینه

***

چې پېغلتوب کله رایاد شي

که مې په غېږ کې شهزاده وي مړ دې شینه

***

په کټ کې دوه لونګۍ پرتې دي

یوه مې ورور بله خیالي اوښی لرمه

***

هلکه خدای دې ځوانیمرګ کړه

ما وېل تاویز دی تا په ځان مئینه کړمه

***

زما او ستا یاري په څه شوه

د شین غمي ګوتې زارۍ درته کوومه

***

پاس په اسمان کې ستوری زه وای

یار مې اوده وای ما یې وکړای دیدنونه

څو نورې لیکنې:

کره ټپې - لومړۍ

کره ټپې - دويم

انجینر ګل محمدياري 29.10.2013 10:12

که کله کله در په ياد شوم<br />زما دلاس نښه به دغه لیکل وینه

پامیر کوټوال 25.11.2012 08:16

رښتیا هم کره او په زړه پورې ټپې دي

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.
ښۀ راغلاست! سيدجمال الدين فاطمي (څپې) ته ستاسو د راتګ هر کلی کوي .څپه په خپلو ليکنو، وړانديزونو، نيوکو او همکاريو لا ښکلې کړئ . مننه . همدارنګه يادونه کوو چې د ټولو خپرېدونکو موادو حقوق لۀ (څپې) سره خوندي دي، د متن کاپي کول د سرچينې په يادولو سره جواز لري.