%da%85%d9%be%d9%87

غوره غزل / اسماعیل لاروی

12.05.2013 22:27

بره الواته راکړه چې واړه لوري وګورم 
خدایه کاينات به دې د هسک له ستوري وګورم

کاڼي يې ويشتو ته جوړ، که جوړ دي ترې کورونه خو 
ووايه چې غره ته زه له کوم ليدلوري وګورم ؟!

خوب وينم، دوزخ کې يم، لمبې رانه چاپېره وي
مورې! هلته هم ستا د دوعاوو سيوري وګورم

وايمه چې څله ستا ستاينې ته راټول نه دي
چېرته چې په پاڼه بې غزله توري وګورم

ستا د ارمانونو رنګ يې ښکاري په څېرو باندې
زه چې لارويه د دنيا کمزوري وګورم


ستاسو تبصره


لطفاً لاندې افغانستان په انګليسي تورو وليکئ.
ښۀ راغلاست! سيدجمال الدين فاطمي (څپې) ته ستاسو د راتګ هر کلی کوي .څپه په خپلو ليکنو، وړانديزونو، نيوکو او همکاريو لا ښکلې کړئ . مننه . همدارنګه يادونه کوو چې د ټولو خپرېدونکو موادو حقوق لۀ (څپې) سره خوندي دي، د متن کاپي کول د سرچينې په يادولو سره جواز لري.