%da%85%d9%be%d9%87

خلک صرف خواږۀ غواړي / ډاکټر ذبيح الله شرر

08.12.2009 17:15

کۀ مو ديو قوم د ازادۍ جاج اخيستلو نو مطبوعاتو ته يې وګورئ، چې د ټولنې افراد د خپل ملک او قوم د برخليک پۀ ټاکلو کې د خپلو خيالاتو څومره تعبير کولی شي؟

وګورئ چې پۀ ټولنه کې خو (استعمار) حاکم نۀ دی . وګورئ چې پۀ مطبوعاتو کې خو ټول قوم ته د احمق ګومان نۀ دی شوی او يوازې څو کسان خو د هوښيارۍ ټيکه نۀ ده اخيستې؟

وګورئ چې د قوم پۀ خولۀ خو پلستر نۀ دی لګول شوی؟

وګورئ چې د قدرت خاوندان د ورځپاڼو پۀ پاڼوکې يوازې خواږۀ غواړي کۀ نه د ترخو اورېدلو او لوستلو ته هم تيار دي؟

وګورئ چې کوم صيب ته دا ويل کيدای شي چې دا دې له کومه کړه، کۀ نه هر څۀ د خپل پلار ،نيکۀ نه پاتې شوی ميراث ګڼي ؟

وګورئ  او سترګې وغړوئ چې د ټولنې سترګې (ليکوال) خوړندی نۀ دی ؟ چا خو په سرو او سپينو نۀ دی پټۍ کړی او د چا ګوډاګي توب ته خو يې ملا نۀ ده تړلې ؟

حق ته باطل او باطل ته خو د حق جامه نۀ وراغوندي ؟

وګورئ چې  په دوی کې بينا سترګې خو څوک بوټې نۀ وباسي او د حق  د ليکنو پر مخ خو د مجلو او ورځپاڼو ورونه نۀ دي تړل شوي؟

وګورئ او ښۀ وګورئ چې  د جګجګۍ د خاوندانو پۀ مخونو چا خاورې شيندلي او کۀ نه د خپلې  مداحۍ لۀ پاره يې د مجلو او اخبارونو کنجۍ ورسپارلې دي؟

وګورئ چې ولس خو پۀ خاورو کې نۀ لوغړيږي او د اسلامي حکومت د جوړولو داعيان خو پۀ بنګلو کې نۀ اوسيږي او بيا دې ته خو په مطبوعاتو کې د عمري عدالت لقب نۀ ورکول کيږي ؟

او چې تاسې څومره ګورئ او سترګې غړوئ ، هومره به درته د ولس د آزادۍ معلومات کيږي ، خو ما چې څومره پۀ وېره وېره سترګې غړولي او چېرته مې د کتو هڅه کړې ده ، نو همدا مې اورېدلي دي چې يا به خواږۀ اورې او يا به چوپ کېږې ، ترخۀ خو لۀ ځان سره وساته .

آخر د خدای (ج) پۀ لحاظ، دومره هم نۀ شو وېلی چې پۀ روسي روبلو شهيد جوماتونه مۀ جوړوئ؟

حالاتو نه  هسې  ماشوړه جوړه شوې او زما پۀ خيال د ماشوړې سر همدا دی چې خلک صرف غواړي او مونږ لا اوس هم پۀ ډډ کې تريخي ګرځوو.

خان محمد 08.12.2009 20:20

د ارواښاد شرر ليکنه مي ولوسته رښتيا هم چي خلک صرف خواږه غواړي .

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.
ښۀ راغلاست! سيدجمال الدين فاطمي (څپې) ته ستاسو د راتګ هر کلی کوي .څپه په خپلو ليکنو، وړانديزونو، نيوکو او همکاريو لا ښکلې کړئ . مننه . همدارنګه يادونه کوو چې د ټولو خپرېدونکو موادو حقوق لۀ (څپې) سره خوندي دي، د متن کاپي کول د سرچينې په يادولو سره جواز لري.